శివ సంకల్పమస్తు

కాశీకి పోయాను రామా హరీ !!! గంగలో.. మునిగాను ముమ్మారు రామా హరీ !!! కాశీకి పోయాను రామా హరీ !!! శివుని కళ్ళార చూసాను రామా హరీ !!! నువ్వు కరుణిస్తే, ఇలాగే ఉంటుంది.  అంతా శివ మయంగానే అగుపిస్తుంది, శివదర్శనంతో కళ్ళు తరించిపోతాయి, శివ స్పర్శతో చేతులు పరవశించిపోతాయి. శివనామస్మరణతో మనసు ఉప్పొంగిపోతుంది . ఆరంభమే అద్భుతం, భువనేశ్వర్ లో ఆహా అనిపించే నీ అందమైన స్వరూపం, లింగరాజ్ రూపంలో ప్రత్యక్షం. హరిహరులు ఒకే పంచన కలిసి కనిపించి కనులవిందు చేసారు. గంగమ్మ మనిషికే కాదు, మనసుకున్న మలినాలని కూడా కడిగెస్తుందిగా!!! అలా మమ్ము పరమ పునీతులని చేసింది, నీ సన్నిధికి రాగానే. ముమ్మారు హరనామస్మరణ చేస్తూ మునిగిన మూడు మునకలతో మూడు జన్మల పాపం హరించుకుపోయి, మూడింతల శక్తి వచ్చింది. నా చిరకాల వాంఛని ఇన్నాళ్ళకి ఈడేర్చావా హరా!!! నీ సన్నిధిలో ఎంతసేపు ఉన్నా తనివితీరదు కదా!!! ఏమిటి నీ ఈ మాయ, మహేశా!!! మళ్ళీ మళ్ళీ ఎన్నెెన్ని సార్లు కాశీపురం తీసుకువచ్చి నా తనివి తీరుస్తావో చూస్తా, యెదురు చూస్తా !!! నీ దివ్యమంగళ దర్శన భాగ్యంతో పాటు, అమ్మని చూశాము, అన్నపూర్ణమ్మ పెట్టిన అన్నం తిన్నాము. విశాలాక్షి అ...

చూసావా, శివా !!! నిన్ను బతిమాలి, విసిగించి, ఒప్పించి, నీ వెండిఇంటికి చేరుకున్నా!!! నీ కైలాసావాసం చూసినందుకు నాకు ఆనందం, నీకు నా నస నుంచి చిన్న విరామం... నమ్మినందుకు ఉన్నానని నాకు ఈ అదృష్టం కలిగించావని నమ్ముతున్నాలేవయ్యా, శంకరా !!! శివాజ్ఞ అయ్యాకా, ఇక తిరుగేముంది... భువనాలనేలే రాజువి, నీ దయతో నీ ఇంటికి రావటం, పూర్వ జన్మ సుకృతమే... నీ ఇల్లే కదా, ఇక్కడెక్కడైనా కనిపిస్తావేమో అని నా కళ్ళు నిన్ను వెతకడం, నీకు తెలుస్తోందిగా... మరి కనబడి కరుణించరాదా, కైలాసవాసా... సరేలే, కనబడేదాకా నిన్ను నే వదలను, కనబడినాకా నీ తోనే నేను... ఒక్క కోరిక తీర్చు, కడ దాకా నీ ఆలోచనలు, కడతేరాకా నీ చరణాలు... వదలకుండా నన్ను నీ వెంట ఉండేలా ఓకంట కనిపెట్టు, కారుణ్యమూర్తీ... Daily highlights of the trip are captured here . Places visited: మానస సరోవరం, టిబెట్ - 2nd Sep 2PM కైలాస పర్వతం, టిబెట్ - 3rd Sep 10AM (parikrama start) పశుపతినాథ్, ఖాట్మండు - 7th Sep 10AM జల్ నారాయణ్, ఖాట్మండు - 7th Sep 3PM