శివ సంకల్పమస్తు

విశ్వేశ్వర జ్యోతిర్లింగం, వారణాసి మహాప్రళయ కాలంలో అవిముక్త నగరం, ఆదిదంపతులకు ఆనందకాననం, మర్త్యలోకంలో మహాశివుడు నివసించే మహాస్మశానం, విశ్వేశ్వరలింగం జ్యోతిర్లింగంగా వెలసి, స్వయంగా శివుడే నిర్మించాడని చెప్పే వారణాసి. కాశ్యాంతు మరణాన్ ముక్తిః – కాశీ పట్టణంలో మరణించడమే మోక్షదాయకం. శివుడు ప్రళయకాలంలో తన త్రిశూలం మీద నిలబెట్టాడని చెప్పే నగరం కాశీ. దీనికి బిందుమాధవ క్షేత్రం అనే పేరు కూడా ఉంది. ఋగ్వేదంలో ఈ పట్టణాన్ని జ్యోతిస్థానం అని వర్ణించారు. జ్యోతిర్లింగంగా, శక్తిపీఠంగా, ముక్తినగరంగా వినుతికెక్కిన కాశీ (వారణాశి) స్మరణ మాత్రం చేతనే సప్తజన్మల పాపాలనూ పోగొట్టగల మహిమ కలది. వాసం చేతనే వాసనా బలాన్ని జయించగల శక్తిని ప్రసాదించే వారణాసి, సురనది అయిన గంగానదీ తీరాన ఉన్న పుణ్యనగరం. విశ్వేశ్వర జ్యోతిర్లింగ స్తోత్రం:  సానంద మానందవనే వసంత మానందకందం హతపాపబృందమ్ వారాణసీనాథ మనాథనాథం శ్రీవిశ్వనాథం శరణం ప్రపద్యే || స్థలపురాణం :- శివ పురాణం ప్రకారం – సృష్టి నిమిత్తం పరమేశ్వరుడు ప్రకృతి, పురుషులను సృష్టించి, వారిని తపస్సు చేయమని ఆదేశించాడు. అపుడు వారు తపమునకు తగిన ప్రదేశము ఏది అని అడుగగా, ఐద...