శివుడోయమ్మా... శివుడూ

శివుడోయమ్మా...  శివుడూ... 

సాంబశివుడు... సదాశివుడూ... 

దోసెడు నీళ్ల కు దొరుకును... 

కష్టాలు కన్నీళ్లు తీర్చునూ... 

చిటికెడు బూడిద రాసినా ఒప్పునూ...

రాతలు గీతలు మార్చునూ...   || శివుడోయమ్మా... శివుడూ || 

పత్రమైనా చాలునూ... 
ఫలితం తప్పక దొరుకునూ...

గుండె గుడిలో ఒదుగునూ...

గౌరి తో కొలువుతీరునూ...  || శివుడోయమ్మా... శివుడూ || 

నమ్మినవారికి దైవమూ...

సర్వజీవులలో ప్రాణమూ...

నాలో నీలో జీవమూ...   
నాది  అను అహమిక అంతమూ...  || శివుడోయమ్మా... శివుడూ ||